PGL – O Fiscal Superior da Galiza, Carlos Varela, falará hoje na Corunha sobre o galego e a justiça na seqüência do ciclo «Economia, História e Ciências Sociais» da Agrupaçom Cultural O Facho. A intervençom será às 20 horas na Fundaçom CaixaGalicia, no Cantom Grande corunhês.
Carlos Varela Garcia, é licenciado pola USC e ingressou por concurso livre na Carreira Fiscal no ano 1985. Desde junho do 2004 é Fiscal-chefe do Tribunal Superior de Justiça de Galiza, denominaçom mudada no ano 2008 pola de Fiscal Superior da Galiza. Foi fiscal da Audiência Provincial de Ponte Vedra com destinos em Vigo e Cambados; fiscal de Proteçom de Menores da província de Ponte Vedra; fiscal encarregado de delitos económicos e contra a Fazenda Pública; e presidente da Comissom de Justiça Gratuita de Vigo. Ainda, foi professor, durante vários anos, na Escola de Negócios de Caixanova de Vigo no Curso Superior de Tributaçom e Sistema Fiscal.
+ Ligaçons relacionadas:
- O Fiscal Superior da Galiza defende o galego na empresa [PGL, 25/06/2009]
- O Fiscal Superior da Galiza apela ao principio jurídico de discriminaçom positiva [PGL, 23/06/2009]
