PGL – O Fiscal Superior da Galiza, Carlos Varela, defendeu ontem no município caldelao de Moranha a necessidade de que o nosso país tenha umha Lei do Consumo que recolha os direitos lingüísticos das e dos consumidores.
Segundo informa o diário Xornal de Galicia, Varela aludiu à Carta Europeia das Línguas, que «recolhe os direitos lingüísticos de consumidores e trabalhadores dentro de umha realidade plurilíngüe».
Sobre isto último, os direitos lingüísticos da classe trabalhadora, o fiscal lembrou que há anos que o Conselho Galego de Relaçons Laborais aprovou por unanimidade «a vontade de recolher nos textos dos convénios colectivos» o respeito por estes direitos.
Para Varela, o galego «é um património de todos» e bateu o ponto na necessidade de ultrapassar «preconceitos lingüísticos e ideológicos», e em mudar a concepçom de país para as instituiçons públicas e as entidades privadas caminharem na mesma direcçom.
+ Ligaçons relacionadas:
