PGL – A diretiva da Agrupaçom Cultural O Facho decidiu entregar o Facho de Ouro do 2012 «ao homem de bem, teólogo e historiador» Francisco Carballo Carballo, como amostra de «reconhecimento a toda umha vida dedicada à cultura do País e ao povo galego».
«Francisco Carballo é hoje um facho referente», assinala a diretiva da agrupaçom cultural corunhesa, a qual salienta o trabalho desta pessoa na investigaçom histórica, bem como a «entrega à dinamizaçom cultural da Galiza». No ano 1973 estabeleceu-se em Vigo, cidade em que foi professor na Escola Universitária de Magistério. Foi também um dos refundadores do semanário A Nosa Terra em 1977 e um colaborador constante nessa publicaçom. Atualmente os seus trabalhos podem-se ler nas revistas A Trabe de Ouro e Encrucillada.
Do Facho salientam também que Carballo, no ámbito da dinamizaçom cultural, foi presidente da desaparecida Associaçom Cultural de Vigo. Igualmente «tomou parte mui ativa do movimento vicinal dessa cidade».
Como já é tradicional, a entrega do Facho de Ouro terá lugar o derradeiro sábado de janeiro na Corunha, na seqüência de umha ceia-homenagem ao galardoado.
Ediçons anteriores
Em ediçons anteriores dos Fachos de Ouro fôrom premiadas pessoas como Bernardino Graña (2011), Xesús Alonso Montero (2010) ou Xosé Neira Vilas (2009).
