Gentalha do Pichel – «Se nom o vejo, nom o creio». Mais dum compostelano ou compostelana puido pensar algo semelhante quando o porta-voz municipal do PP, Gerardo Conde Roa, sem dúvida levado pola paixom acumulada durante o passado fim-de-semana, decidiu compartilhar com os meios de comunicaçom as suas teorias sobre as actividades que desenvolve a Gentalha do Pichel.
Num exercício de criatividade eleitoral, Conde Roa transformou o local social da associaçom no centro neurálgico e proveedor de material da, sempre segundo o senhor Conde Roa, Kale Borroka compostelana, grupos para-terroristas e algum qualificativo adicional igualmente acreditado e com o mesmo gosto.
Perante esta fantasiosa descriçom do porta-voz conservador na Cámara Municipal de Compostela, a Gentalha do Pichel tem o gosto de abrir as suas portas de par em par, o vindeiro sábado, 14 de Fevereiro, às 12:00, para que todos e todas as que o desejarem e, mui especialmente, os meios de comunicaçom que desenvolven a sua actividade na nossa cidade, podam ver para crer, perguntar, passear e mesmo tocar todo o que considerarem oportuno no centro social situado no número 21 da Rua Santa Clara. Passem até a cozinha.
Jornada de Portas Abertas na Gentalha do Pichel
Sábado, 14 de Fevereiro às 12:00
Rua Santa Clara, 21
+ Ligaçons relacionadas:
- Notícia em Europa Press na qual Conde Roa acusa diversos locais sociais compostelanos de apoiarem a violência
- Sucesso ridiculista e brutalidade policial na manifestaçom polo apartheid lingüístico na Galiza [PGL, 09/02/2009]
- Crónica enviada por Ângelo Cristóvão [PGL, 08/02/2009]
- Rejeiçons à manifestaçom galegófoba deste domingo [PGL, 07/02/2009]
- «Bilingüismo, Mr. Marshall!»: festa e humor face o espanholismo [PGL, 03/02/2009]
