PGL – A Agrupaçom Cultural O Facho, da Corunha, disponibiliza no seu blogue o áudio e a crónica da última palestra organizada pola agrupaçom, proferida polo professor da USC, Carlos Quiroga.
Na sua intervençom, e perante umha sala lotada de público, o professor falou das relaçons literárias entre a literatura feita na Galiza com a do resto da lusofonia.
Oferecemos a seguir a crónica. O áudio pode ser escuitado na íntegra nesta ligaçom.
O professor da USC, Carlos Quiroga, ofereceu umha interessantíssima palestra sobre o encontro e desencontro entre a literatura galega e a lusófona na passada terça-feira, dia 23 de Fevereiro.
Na sua exposiçom o conferencista mostrou a existência de um permanente ziguezague entre a cultura galega e a dos países de fala portuguesa, em particular no ámbito literário. Desvendou como o encontro de Rodrigues Lapa com Castelao nos tempos da II República foi para o português um acordar para sempre cara o norte do Minho, e assim como o desencontro produzido no começo do actual período político post-franquista entre o filólogo português com Ramom Pinheiro. Também comentou como a existência da revista “Céltiga” levada polo minhoto Guerra serviu nos anos duros do franquismo para veicular tanto os escritores galegos com os do norte de Portugal como a estes para com os galegos.
Ao findar a sua exposiçom houvo um interessante debate.
+ Ligaçons relacionadas:
- Blogue da AC O Facho
- Galiza e o Acordo Ortográfico, no Diário Liberdade [PGL, 11/02/2010]
- Paraninfo” com João Gilberto Noll e Carlos Quiroga [PGL, 11/09/2009]
- Poesia na Vila: deus estava lá [PGL, 09/06/2009]
- ‘Correntes’ algo mais que eléctricas [PGL, 09/02/2009]
- Verdadeira história de um percurso brasileiro [PGL, 06/12/2008]
- Inxalá, de Carlos Quiroga [PGL, 26/06/2008]
