Partilhar

‘Castrapo’ em Meteogalicia e toponímia deturpada na EGAP

PGL – Duas instituiçons dependentes da Junta estám a desprestigiar e faltar à legalidade respeito ao seu uso da língua galega. A Escola Galega da Administraçom Pública usa topónimos deturpados e nom legais e os encarregados de dar a informaçom meteorológica na Rádio Galega usam um registro lingüístico mui pobre.

O parlamentar do BNG Bieito Lobeira, apresentou umha questom para conhecer as motivaçons do uso de topónimos nom oficiais na web da EGAP. A página web oficial da Escola Galega da Administraçom Pública contém, na sua versom em espanhol, topónimos galegos deturpados, como no La Coruña ou Orense. É possível comprovar no portal (ou na imagem abaixo destas linhas) como na informaçom relativa a vários cursos ou nas folhas de inscriçom, figuram nomes de lugares do nosso país deformados e espanholizados e, aliás, nom oficiais.

Imagem da web da EGAP onde se pode ler “La Coruña”

Cumpre destacar que no artigo 10° da Lei 3/1983 de Normalizaçom Lingüística, legislaçom vigente em matéria de toponímia, os topónimos da Galiza ham ter como única forma oficial a galega. Nom há topónimos “em galego” ou “em espanhol”: só há, por lei, a galega com ortografia isolacionista.

Meteogalicia

Por sua parte, o serviço público de meteorologia da Galiza, Meteogalicia, que depende da Conselharia do Meio Ambiente, oferece periodicamente nos serviços informativos dos meios públicos a prediçom do tempo. Mas, segundo o BNG, que remeteu através do próprio Bieito Lobeira e de Anxo Quintana umha outra questom parlamentar, a qualidade lingüística da pessoa que exerce como representante de Meteogalicia é «mui pobre». Trata-se dun código lingüístico «híbrido, galego-espanhol, e castrapizante», asseguram. Permitir isto por parte dum meio público como a Rádio Galega é «ilógico», dado seu papel de modelo social de uso público do nosso idioma.


+ Ligaçons relacionadas

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”

Ângelo Brea: “O amor pela família, o cuidado dos filhos ou as exigências de uma vida com grandes responsabilidades atravessam os milénios”

Burela, romance do escritor brasileiro Efigénio Moura, disponível em pré-venda na loja online da Através Editora

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”