PGL – O viguês Local Social Faísca acolhe este sábado, a partir das 17 horas, a primeira assembleia nacional da Mocidade pola Língua. O encontro promove-o o Foro da Mocidade de Vigo, que o abre a outros colectivos com o intuito de criar um espaço de debate do qual surjam novas linhas de actuaçom em defesa do nosso idioma.
Do Foro da Mocidade lembram que «a língua é um elemento que nos identifica como povo», e sinalam que a sua normalizaçom é garante «da assimilaçom por parte da sociedade da sua identidade nacional». Ligado com isto, da organizaçom apontam que a mocidade sempre foi «um dos piares revolucionários da naçom» através da canalizaçom das suas inquietações. Por este motivo, a juntança promovem-na jovens e focam-na para os jovens.
O Foro da Mocidade nasceu, precisamente, no curso passado mercê as aportações de moços e moças de diferentes posicionamentos ideológicos. Pensou-se como umha organizaçom horizontal, aberta e plural que desde umha perspectiva nacional desse resposta a este tipo de inquietações.
Durante o curso passado desenvolvêrom umha activa campanha sob o lema «Por um ensino em galego» que contou com palestras, projecções, inquéritos e outras actividades. Tivo o seu ponto álgido com a mobilizaçom estudantil mais numerosa dos últimos três anos em Vigo quando os estudantes de secundária e da universidade saírom à rua em defesa do galego.
Precisamente, a situaçom do galego no ensino e a atitude dos colectivos mais reaccionários focarám boa parte dos conteúdos da assembleia de amanhã.
+ Ligações relacionadas:
- Vídeo de apresentaçom do Foro da Mocidade
- Legislatura «praticamente perdida» em matéria de política lingüística, di o BNG [PGL, 21/01/2009]
- Galegófobos judicializam oposiçom ao Decreto do galego no ensino [PGL, 21/01/2009]
- Normalizaçom lingüística, será questom de dinheiro? [PGL, 17/01/2009]
- Estudantes apoiam esmagadoramente a galeguizaçom do ensino [PGL, 27/11/2008]
- Hoje, em Vigo, greve em defesa do galego no ensino médio e universitário [Velho PGL, 24/04/2008]
- Lançam campanha polo galego na comarca de Vigo [Velho PGL, 10/01/2008]
