PGL – O procedimento sobre o reconhecimento da língua galega na Lei da Comarca do Berzo segue o seu curso, agora com a apresentaçom de emendas que encontrárom atitude positiva do Partido Popular e do Grupo Misto, mas a negativa do PSOE, apesar de a sua secçom galega ter apoiado a reivindicaçom.
A emenda do PP indica que “a Comunidade Autónoma de Castela e Leom facilitará a participaçom da Comarca do Berzo nas actuaçons que realizar para a promoçom da língua galga no seu âmbito territorial”. Para Fala Ceive, resulta “anacrónico” nom reconhecer o idioma galego entre as singularidades da Comarca com o protagonismo que merece e tem.
Neste sentido, o colectivo berciano pede que se cumpra o mandato que fixa o próprio Estatuto de Autonomia, “umha lei das Cortes de Castela e Leom regulará a comarca do Berzo, tendo em conta as suas singularidades e trajectória institucional” “art. 46.3”. Assinalam que a emenda do PP fica “curta” à hora de reconhecer certa intervençom lingüística da Comarca do Berzo.
Por sua parte, do Grupo Misto afirmam que “na Comarca do Berzo gozará de respeito e protecçom a língua galega nos lugares em que habitualmente se empregue”. Fala Ceive destaca nisto a “escassa inovaçom jurídica”. Por último valorizam como “lamentável” o trabalho parlamentar do Grupo Socialista, que “ignora nas suas emendas qualquer referência expressa ao idioma galego”. Do mesmo jeito, nom atopam “lógica a atitude política dos procuradores socialistas”-
Assim, de Fala Ceive esperam que “após a apresentaçom das emendas parciais do três grupos políticos nas Cortes de Valhadolid, o debate e negociaçom na Comisom de Interior e Justiça suponha umha melhora substancial do reconhecimento da língua galega”.
+ Ligaçons relacionadas:
- PSdeG apoia reivindicaçom da Associaçom Fala Ceive do Berzo [PGL, 05/10/2010]
- Fala Ceive pede ajuda à Galiza polo reconhecimento oficial do galego no Berzo [PGL, 15/09/2010]
- Fala Ceive reclama o reconhecimento do galego na reforma da Lei da Comarca do Berzo [PGL, 17/08/2010]
