Antonio Manuel Fraga é o ganhador do primeiro Prémio Antón Risco de Literatura Fantástica. A premiaçom consistirá em 3.000 € a publicaçom da obra, Querido H.P.L. O outro finalista do certame foi Carlos Quiroga, cujo livro, Peixe Babel, será premiado também com a publicaçom a teor da sua “qualidade”.
Assim foi decidido polo júri do concurso, formado por Mario Regueira, Isabel Mociño, Mila da Aira, António Ságue e João Madureira e agindo como vogais da Urco editora e sem voto, Tomás González Ahola e David Cortizo Conde.
O ganhador
Antonio Manuel Fraga (Ponte d’Eume, 1976) é engenheiro técnico industrial. Segundo informa Sermos Galiza, Fraga iniciou a sua trajetória literária recentemente, em 2013, quando ganhou o X Certame de microrrelatos da Lonja Literária de Moanha e o Prémio Merlim com a obra O castañeiro de abril. Também publicou Xildas em Sushi Books e O grilo máxico este mesmo ano na Galaxia.
O prémio
Conforme informado no PGL, o Prémio Antón Risco de Literatura Fantástica é organizado pola Urco Editora, em colaboraçom com a Fundaçom Vicente Risco, Sacauntos Cooperativa Gráfica, Libraría Aira das Letras, Livraria Traga-Mundos, Pastelería Fina Rei e Restaurante Pingallo.
