PGL – A organizaçom juvenil AGIR denuncia que a faculdade de Humanidades de Lugo denegou a permissom para instalar no centro a exposiçom em homenagem a Carvalho Calero que realizou a Fundaçom Artábria.
Após terem presentado a pertinente instáncia, “foi-nos denegada a petiçom sem aduzir mais motivos do que o seguinte: no Conselho de Governo reprovou-se a petiçom”.
Segundo AGIR, “negam-nos colocar umha exposiçom e nom porque haja outra nessas datas, senom por umha motivaçom claramente política”. Explicam isto informando de que, em primeiro lugar, o Decanato do centro solicitou a permissom do Conselho de Governo, “quando tem plenas potestades para dirimir por si próprio”. E, segundo, “discrimina desde tal órgao de governo -segundo nos dixérom- que estudantes podamos utilizar as instalaçons dos nossos centros para publicitar actividades dum galego universal como o professor Carvalho Calero”.
A organizaçom juvenil finaliza o seu comunicado lamentando que mesmo as faculdades se encarreguem “de invisibilizar e silenciar o trabalho dos docentes mais sonados deste País. Nem os dam a conhecer nem os permitem conhecer!”.
+ Ligaçons relacionadas:
- Comunicado na web de AGIR
- O estudantado da USC lembra Carvalho Calero [PGL, 06/05/2010]
- No mês das letras, Agir leva exposiçom sobre Carvalho Calero à USC [PGL, 28/04/2010]
- Inaugurada exposiçom de Carvalho Calero em Vigo, nom sem problemas [PGL, 09/03/2010]
- Exposiçom sobre Carvalho Calero inicia percurso por centros de ensino [PGL, 19/01/2010]
- Convocatória da AGAL para o Ano Carvalho Calero [PGL, 23/12/2010]
- Fundaçom Artábria disponibiliza exposiçom foto-textual sobre Carvalho Calero [PGL, 01/09/2010]
