PGL – A Associaçom Galega da Língua (AGAL) foi umha das organizaçons convidadas à assembleia constitutiva da Mocidade Irmandinha, vinculada com o Encontro Irmandinho, organizaçom que este ano se cindiu do BNG. A AGAL estivo representada polo seu vice-presidente, Miguel R. Penas, e o tesoureiro, Manuel César Vila.
Os estatutos da nova organizaçom defendem a pertença do galego ao diassistema lingüístico galego-português, e comprometem-se a respeitar quaisquer opçons ortográficas para o idioma.
Entre as propostas programáticas cabe assinalar a reivindicaçom da introduçom da matéria Língua e Literatura Portuguesa em todo o ensino secundário, bem como trabalhar polo reconhecimento da ortografia portuguesa como oficial na Galiza, em pé de igualdade com a ILG-RAG. Também se somam às iniciativas pola receçom gratuita na Galiza das televisons e rádios portuguesas.
+ Ligaçons relacionadas:
- AGAL representada no XIII Congresso da UPG [PGL, 18/06/2012]
- AGAL na primeira Assembleia nacional do MGS [PGL, 27/05/2012]
- AGAL na XII Assembleia Nacional do BNG [PGL, 30/01/2012]
- AGAL representada na III Assembleia Nacional de Isca [PGL, 30/03/2010]
- AGAL assiste como convidada ao Congresso de CIG-Ensino e à Assembleia Nacional de Galiza Nova [PGL, 26/10/2009]
