PGL – A escritora portuguesa Rosa Alice Branco venceu o XVII Prémio de Poesia Espiral Maior com a obra O Gado do Senhor. O certame está dotado com 15 mil euros, e pretende promover a criaçom poética nas áreas de expressom galego-portuguesa.
Este ano apresentárom-se 198 obras procedentes da Galiza e de outros países lusófonos como Portugal, Angola ou o Brasil, e na ediçom anterior ganhara o também português Amadeu Baptista.
A escolha do júri, integrado por Xosé María Álvarez Cáccamo, Xavier Rodríguez Baixeras e Miguel Anxo Fernán Vello foi unânime. Em declarações recolhidos por outros meios de comunicaçom, o júri reconheceu que a ediçom deste ano foi umha das que atingiu maiores níveis de qualidade em toda a história do prémio. A obra galardoada será publicada na colecçom de Poesia da editora Espiral Maior, com umha tiragem de 2.000 exemplares. O Gado do Senhor, como o título sugere, ironiza sobre a Bíblia, centrando-se na consideraçom da injustiça que representa a morte consentida pola Providência.
A premiada
Rosa Alice Branco (Aveiro, 1950) tem mais de dez poemários publicados, além de umha notável obra ensaística. É doutora em Filosofia Contemporânea pola Universidade Nova de Lisboa, e actualmente é professora de Teoria da Percepçom na Escola Superior de Artes e Design de Matosinhos. A sua obra poética foi traduzida a numerosos idiomas, entre eles o inglês, o francês, o árabe ou o espanhol.
+ Ligações relacionadas:
- Amadeu Baptista vence a XVI ediçom do Prémio de Poesia Espiral Maior [Velho PGL, 26/07/2008]
- AGAL pergunta à editorial Espiral Maior sobre os critérios lingüísticos para o seu XV certame literário [Velho PGL, 16/07/2009]
