PGL – O concurso Musicando Carvalho Calero chegou ao seu desenlace. O evento, organizado em parceria pola Associaçom Galega da Língua (AGAL) e Komunikando, tinha como objetivo sonorizar a figura do professor Carvalho Calero através da musicalizaçom da sua obra poética.
O dia 30 do mês de outubro fam-se cem anos do seu nascimento, efeméride que passou despercebida para o governo galego e muitas das instituiçons públicas, mas nom para várias entidades sociais que organizárom eventos de todo o tipo para lembrar o professor. Um destes eventos foi o concurso Musicando Carvalho Calero em que participárom 17 bandas abordando os mais variados estilos e oferecendo a mais rica gama de interpretaçons. Da organizaçom agradecem «a energia com que nos presenteárom cada umha das bandas confirmando que, com certeza, os galegos e as galegos somos um povo de artistas».
 |
 |
Instantâneos da deliberaçom do júri
O júri reuniu-se no dia 28 às 21:30 e introduziu os seus votos numha urna. Estava formado por duas pessoas do mundo das letras, Carlos Quiroga e Xavier Freire, e duas pessoas do mundo do som, Carlos ‘Mourente’ Valcárcel e Leo F. Campos (Leo i Arremecághona). As animadas conversas posteriores girárom sobre a dificuldade na hora de fazer escolhas e sobretudo arredor da riqueza compositiva e da polifonia.
Às 00.00 a urna foi aberta e, após a soma das diferente pontuaçons em que também constavam os votos emitidos on-line polos internautas, o resultado foi a vitória do grupo A Minha Embala, projeto da angolana Aline Frazão (voz, guitarra) e do segoviano César Herranz (flauta transversal, percussom) que participavam com o tema Maria Silêncio, que recebem os «mais calorosos parabéns» da organizaçom.
Maria Silêncio – A Minha Embala
{mp3remote}http://www.komunikando.net/musicandocarvalhocalero/images/stories/mp3/A%20minha%20embala%20-%20Maria%20Silenzo.mp3{/mp3remote}
To display this content, you need a JavaScript capable browser.
Prémio
O prémio consistirá numha semana num estúdio profissional de música para gravarem os temas que considerarem oportunos e três dias mais para as misturas e masterizaçom do disco. Este incluirá o tema enviado ao concurso e será editado com licença Creative Commons. O orçamento do prémio foi compartilhado polas concelharias de cultura da Corunha, Santiago e de Ourense. Para o ano 2011, Komunikando e a AGAL prometem oferecer um novo concurso «na confiança de que concitará o mesmo entusiasmo que atingiu o presente».
+ Ligações relacionadas:
- Site do concurso Musicando Carvalho Calero
- Bases do concurso
- Canal Carvalho Calero no PGL
- Mais notícias sobre A Minha Embala no PGL
- 17 temas a concurso no Musicando Carvalho Calero [PGL, 22/10/2010]
- ‘Nom sei se matei’, de Labazada, novo tema para o Musicando Carvalho Calero [PGL, 20/10/2010]
- Musicando Carvalho Calero: ‘Nom sei se Matei’, de Ruxe Ruxe [PGL, 17/10/2010]
- Musicando Carvalho Calero: ‘Nom sei se Matei’, de Alféizar [PGL, 15/09/2010]
- Musicando Carvalho Calero: ‘Maria Silêncio’, da Minha Embala [PGL, 09/09/2010]
- Musicando Carvalho Calero: ‘Desde o Céu com Amor’, de Ataque Escampe [PGL, 30/08/2010]
- Musicando Carvalho Calero: ‘Mulher’, do Verme Homicida [PGL, 24/08/2010]
- Arranca o concurso Musicando Carvalho Calero, parceria AGAL e Komunikando [PGL, 27/07/2010]
