PGL – Está no ar umha nova cançom do concurso Musicando Carvalho Calero, homenagem musical ao insigne ferrolano organizada em parceria pola Associaçom Galega da Língua (AGAL), em parceria com Komunikando. Trata-se de Mulher, do Verme Homicida.
O Verme Homicida é um projetomusical de Jorge Rodríguez (guitarra do grupo Esquíos), em que ele canta, compom e toca todos os instrumentos. Conta com a colaboración letrística de Javier Escuredo nalguns temas.
A intençom é fazer música apenas por prazer, tendo presente quiçá a apresentaçom em direto num futuro. As influências som mui variadas e no seu myspace podem-se escuitar quatro temas. A seguir podem escuitar esta Mulher:
Mulher – O Verme Homicida
{mp3remote}http://www.komunikando.net/musicandocarvalhocalero/images/stories/mp3/O%20verme%20homicida%20-%20Mulher.mp3{/mp3remote}
O concurso
Musicando Carvalho Calero é um projeto em que grupos musicais ou solistas escolhem um poema do ilustre galeguista para o musicar ou bem escolhem áudios do professor para realizarem samplers. Da AGAL e Komunikando defendem esta iniciativa polo silenciamento da figura de Carvalho Calero neste 2010, ano do seu centenário. Por tal motivo visam «sonorizá-lo».
Os grupos interessados em participar têm ao seu dispor as bases e outras informações no site http://musicandocarvalhocalero.komunikando.net/. O prazo para enviar as propostas finaliza em 20 de outubro, e dez dias depois conhecerá-se o nome do ganhador ou ganhadores.
Votaçom
Os grupos ou solistas ganhadores serám eleitos baixo um sistema misto de votaçom popular via Internet mais um tribunal integrado por pessoas vinculadas de umha ou outra maneira ao difícil mundo da música. Os nomes dos ganhadores e ganhadoras serám conhecidos no dia 30 de outubro, centésimo aniversário do nascimento de Carvalho Calero.
Prémio
O prémio para o grupo ou solista ganhador será umha semana num estúdio profissional de música para gravar os temas que considere oportuno e três dias mais para as misturas e masterizaçom do disco. O disco incluirá o tema enviado ao concurso, e será editado com licença Creative Commons.
+ Ligações relacionadas:
