PGL – O Executivo de Núñez Feijóo continua na linha de intentar «afogar» o processo normalizador, asseguram diferentes colectivos. O último episódio sofre-o a Rede de Dinamizaçom Lingüística, projecto estrela do mesmíssimo secretário-geral de Política Lingüística, que nos vindouros orçamentos da Junta contará com zero euros.
A rede planificada por Anxo Lorenzo para favorecer a normalizaçom do nosso idioma é ignorada completamente polo Governo. Aliás, as políticas normalizadoras vem minguado em 40% as despesas para este fim, o que é considerado como «um novo ataque» do Partido Popular à língua galega. Da Coordenadora de Equipas de Normalizaçom e Dinamizaçom Lingüística já exigírom umha «rectificaçom» dos orçamentos autonómicos.
Os Concelhos também sofrem esta ‘austeridade’, e a despesa para normalizaçom para o ano 2011 vê-se também muito reduzida, o qual pom em risco a viabilidade de muitos serviços de normalizaçom.
Justo ao tempo que as políticas normalizadoras vam perder perto da metade dos fundos, a Junta continua a esbanjar dinheiro público em campanhas propagandísticas, como por exemplo a destinada a publicitar o decretaço, valorizada em perto de um milhom de euros.
Com esta situaçom, a Secretaria Geral de Política Lingüística evidencia ser um simples ornamento no organigrama da Junta, sem capacidade real de incidência para efectivizar políticas a sério para a normalizaçom lingüística.
- Junta nom convocou as ajudas para a promoçom da língua galega para associaçons sem ánimo de lucro [PGL, 08/10/2010]
- Anxo Lorenzo recebeu da Junta mais de 12.000 euros por coordenar umha exposiçom [PGL, 07/10/2010]
- Denúncia do BNG pola reduçom e descontrolo no reparto de ajudas para normalizaçom lingüística no âmbito local [PGL, 20/09/2010]
- Junta destina aos meios em galego apenas 1,26% dos recursos disponíveis para as empresas de comunicaçom [PGL, 19/08/2010]
- Política Lingüística evita dar umha data para a promoçom do galego nos assuntos funerários [PGL, 12/07/2010]
