PGL – Professores galegos, portugueses e doutros países têm cita em Viana do Bolo nos dias 26, 27 e 28 de abril no XXVII Encontro Galego-português de Educadores e Educatoras pola Paz, organizado por Educadores/as pola Paz-Nova Escola Galega, Asociación Galego-Portuguesa de Educación para a Paz (AGAPPAZ), Movimento dos Educadores pela Paz de Portugal (MEP) e a Universidade de Vigo (polo de Ourense).
A sede será nesta ocasiom o IES Carlos Casares da vila ourensana, terra natal de Xesús Xares, um dos criadores e dinamizadores deste projeto nado em 1982 com a finalidade de fomentar a educaçom para a paz e a liberdade no processo educativo. No encontro podem participar professores em ativo, reformados ou desempregados de todos os níveis educativos. O programa combina partes teóricas e experiências práticas que seguem as linhas de trabalho de anteriores edições, mas com o olhar colocado nos problemas atuais.
O tema de estudo deste ano é a educaçom emocional dentro da educaçom para a paz. “Neste momento de crise social e económica acreditamos no trabalho sobre as emoções como a forma mais fiável de armarmo-nos para a paz”, indicam da organizaçom. O programa inclui uma mesa redonda, ateliês, palestras, jogos cooperativos e a apresentaçom de diversas experiências educativas.
+ Mais informações e inscriçom:
