Xornal.com publica editorial louvando as potencialidades do reintegracionismo

PGL – Após a publicaçom de um artigo de Francisco Rodríguez justificando a existência da Academia Galega da Língua Portuguesa (AGLP), o diário digital Xornal.com publicou um artigo editorial apoiando os postulados do dirigente nacionalista. No texto referem-se ao futuro do galego no mundo, e ligam essas potencialidades com a concepçom actual da língua galega por parte da oficialidade.

 De Xornal.com lembram que o debate sobre a convergência do galego e do português «está aberto» na Galiza, mais ainda na era da internet, e referendam as afirmações de Francisco Rodríguez sobre a necessidade de que «o mundo administrativo, académico, social, económico, e institucional avancem na prática da direcçom de assumir, com todas as cautelas e matizes que se quiserem, que o galego e o português som o mesmo idioma».

O editorial da publicaçom digital lembra que as declarações do responsável de Formaçom do BNG coincidem no tempo com o recente nascimento da AGLP, «criada com a vocaçom de conscienciar a sociedade do carácter lusófono do idioma galego», aponta.

Ainda, o artigo lembra que o secretário-geral de Relações Institucionais, Xoán Antón Pérez Lema, afirmou na constitiuçom da AGLP que a Lusofonia é um «corpo linguístico comum» que permite os galegos comunicarem-se com perto de 230 milhões de pessoas no mundo, o qual convertiria a Galiza no país mais pequeno do mundo capaz de mais possibilidades de comunicaçom no âmbito internacional.

O texto editorial finaliza assinalando que com certeza este é «um debate interessante, que se se enfrentar com seriedade e pragmatismo pode traze bons dividendos para o idioma próprio da Galiza».

+ Ligações relacionadas: