PGL – Com a VII ediçom do prémio consolida-se o certame, organizado polo Serviço de Normalizaçom Linguística em parceria com vários meios de comunicaçom. Visa umha análise sobre a situaçom social da nossa língua, criando espaços nos jornais para promocioná-la e valorizá-la oferecendo o prestígio que precisa para ocupar um lugar fucral e de destaque nas publicaçons periódicas escritas do nosso País.
Podem concorrer artigos jornalísticos inéditos de opiniom vinculados diretamente com a situaçom lingüística da Galiza e com a defesa e uso do galego, bem sobre legislaçom e direitos lingüísticos, bem elaboraçom de propostas para a promoçom do seu prestígio social, além de experiências favoráveis para a sua dinamizaçom e impulso para o seu uso quotidiano e normalizado.
Os artigos apresentados deverám ter entre 2.000 e 3.500 carateres, enviarám-se em envelope fechado, sem identificar e com pseudónimo. Noutro envelope mais pequeno deverám ir os dados de autora ou autor identificado no exterior com o pseudónimo ou título.
A data limite para a sua entrega finaliza a 8 de abril de 2011. A quantia do prémio é de 1.000€ e o artigo será publicado em todos os meios colaboradores. O júri está formado por tres pessoas de reconhecido prestígio no âmbito a que atende dita convocatória. O júri poderá declará-lo deserto se nom achar umha ótima qualidade nos trabalhos apresentados.
A decisom do júri fará-se pública com umha data máxima de 25 dias depois de finalizar o praço dado para a entrega de ditos trabalhos. A entrega do Prémio terá lugar na Festa da Língua, que se desenvolverá a 7 de maio no Paço de Cultura de Carvalho.
