A participaçom é gratuíta e o tema é livre. Os micropoemas apresentados ao concurso devem ser inéditos, originais e nom premiados nem publicados.
Cada participante poderá enviar um micropoema que deve estar escrito em qualquer das normativas ortográficas.
Os micropoemas terám umha extensom mínima de 2 versos e máxima de 3 versos sem incluir o título. Cada micropoema deve levar umha imagem (foto, desenho, etc.) de autoria própria, autorizada ou livre de direitos. Cada poeta poderá apresentar um máximo de UM micropoema a concurso. A organizaçom nom corregirá erros nem admitirá substituições dos poemas enviados.
Os micropoemas terám umha extensom mínima de 2 versos e máxima de 3 versos sem incluir o título. Cada micropoema deve levar umha imagem (foto, desenho, etc.) de autoria própria, autorizada ou livre de direitos.
Admitiranse obras até o dia 3 de maio de 2023, às 14:00 horas.
O jurado terá em conta a originalidade, técnicas empregadas, qualidade e conteúdo do poema. O jurado estará composto por 3 poetas da NPG Nova Poesía Guitirica e umha pessoa coordenadora sem voto. O falho do jurado será inapelável e fara-se público a través dos distintos soportes digitais de Os Vilares, lareira de soños, CulturaliaGZ e da NPG Nova Poesía Guitirica nas duas semanas posteriores ao feche do concurso.
Entre os micropoemas participantes, seleccionaram-se os melhores que poderám integrar umha antologia, e entre eles os ganhadores receberám o trofeio Vilarinha, um desenho exclusivo da artista Viki Rivadulla. Ademais, fara-se um ato poético público com os premiados no II Festival de Poesia Guitirica.
Para participar cumpre enviar os textos por correio eletrónico para dosvilares@gmail.com ou npggazeta@gmail.com em formato Word com o nome do autor/a, ou pseudónimo e um telefone ou correio eletrónico de contato.
Este ano, ademais, a organizaçom amplia o convite para o ámbito escolar, com a colaboraçom do IES Basanta Silva de Vilalba, o IES Díaz Castro de Guitiriz e o CEIP Lagostelle de Guitiriz.
