PGL – O presidente da AGAL, Valentim R. Fagim, iniciou no passado sábado as suas colaboraçons com a publicaçom Galicia Hoxe. Com José Ramom Pichel, som já dous os colaboradores do diário a utilizarem a norma internacional do galego. O seu primeiro artigo, leva o provocador título «En gallego, zafo».
Neste artigo, Fagim trata questons como a marginalizaçom do galego na própria Galiza e o nom aproveitamento do potencial lingüístico do País, mesmo apesar de os países lusófonos serem cada vez mais objeto de interesse para empresas galegas. No exemplo que ele propom trata-se de Angola e do relacionamento com os angolanos.
O presidente da AGAL acaba o relato assinalando que, mesmo apesar dessa oportunidade, nom se estám a fornecer as ferramentas necessárias. Como exemplo, só 25 de um total de 346 centros educativos lecionam português. Aliás, em muitos deles é pessoal «com as melhor das intenções» mas nom convenientemente qualificado quem está a ministrar as aulas, dando como resultado umha estrutura similar a «uma torre de cartas».
