A leitura continuada do romance Scórpio de Ricardo Carvalho Calero, adiada por mor da pandemia de Covid-19, celebrará-se finalmente na tarde do dia 30 de outubro. Assim o anunciou a Associaçom Galega da Língua (AGAL), que comemorará deste jeito o autor homenageado no Dia das Letras Galegas deste 2020.
O que se presentava como ato central do ano das Letras Galegas dedicado a Ricardo Carvalho Calero trasladou-se desde a data originalmente prevista (16 de maio) por mor da pandemia. No final deste mês a iniciativa volta a Compostela na simbólica data do 110 aniversário do nascimento do grande pensador do reintegracionismo. Autoridades públicas, nomes da cultura e todo tipo de pessoas participarám numha leitura ao vivo do mais reconhecido romance do autor.
Dentro das medidas de prevençom sanitária o evento para, a organizaçom acordou, “após estudar as circunstâncias sanitárias que estamos a atravessar, reduzir as horas de celebraçom para garantir o desenvolvimento do mesmo em completa segurança para as pessoas que decidam prestar esta homenagem”. Deste jeito, o tempo de leitura total será de aproximadamente quatro horas e no mesmo abordaram-se unicamente umha série de trechos escolhidos com antecedência.
A atividade começará às 17:00, estando os primeiros trechos da leitura reservados à família do autor e às autoridades políticas, e finalizará sobre as 21:00 dessa mesma sexta-feira. O Salom Salom Nobre de Fonseca, da Universidade de Santiago, acolherá a celebraçom, seguindo estritamente as normas de segurança estabelecidas. Junto com a AGAL, colaboram no desenvolvimento desta homenagem a Xunta de Galicia, a Deputación da Coruña e o Concello de Santiago de Compostela.
A atividade começará às 17:00, estando os primeiros trechos da leitura reservados à família do autor e às autoridades políticas, e finalizará sobre as 21:00 dessa mesma sexta-feira. O Salom Salom Nobre de Fonseca, da Universidade de Santiago, acolherá a celebraçom, seguindo estritamente as normas de segurança estabelecidas.
Segundo explica Eudardo Maragoto, presidente da AGAL, este coletivo “nom quer deixar passar este ano, tam relevante e esperado polo reintegracionismo, sem prestar a devida homenagem ao professor Carvalho Calero”. A participaçom na leitura continuada está aberta a todas as pessoas interessadas, que se podem inscrever no formulário em linha disponível no web Carvalho2020.gal.