Partilhar

Umha galinha de 20 mil euros em tempos de austeridade

Maria Espantoso – Ontem comparecêrom ante os meios de comunicaçom os conselheiros da Educaçom, Jesús Vázquez, e do Trabalho, Beatriz Mato. O objectivo, apresentarem a nova imagem e denominaçom das Galescolas, a rede de infantários criada polo anterior Governo.

Os novos governantes, do espanholista Partido Popular, achárom que o nome Galescolas, assim com os factos de os uniformes serem das cores da bandeira galega e o logótipo ser também umha escola com umha bandeira galega, formavam parte do que chamárom de «projecto ideologizado».

Resultam no mínimo curiosas estas observaçons da Junta quando o nome Galescola —por certo, propriedade da VOGAL—, fruto da confluência dos termos ‘Galiza’ (ou ‘galega’) e ‘escola’ nom evidencia qualquer ideologia, salvo que se pretenda ver um paralelismo com o projecto basco das ikastolak (em traduçom literal, ‘escolas’), projectos privados e cuja similitude nom vai além do fonético. De facto, o novo nome, «A Galiña Azul — Rede de Escolas Infantís de Galicia» [sic] é bastante mais explícito.

Em segundo lugar, resulta curiosa a crítica aos uniformes escolares pola cor, quando as cores azul e branca som possivelmente das mais freqüentes nos mandilons escolares, ao menos na Galiza. Por último, também surpreende que se criticasse a presença de umha bandeira galega no logótipo das já desbotadas Galescolas quando a bandeira está reconhecida no Estatuto de autonomia e pertence, em teoria, a todo o povo galego. De facto, o novo logótipo é umha galinha —se bem parece mais bem um polo— pintada com as cores azul e branca.

Segundo a Junta da Galiza, estas mudanças resultavam «imprescindíveis», e alguns meios de comunicaçom situam o seu custo em 20 mil euros. Umha cifra nada desprezível em tempos da tam cacarejada —e nunca melhor dito— austeridade, prometida já em campanha eleitoral polo agora presidente Feijóo.

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”

Ângelo Brea: “O amor pela família, o cuidado dos filhos ou as exigências de uma vida com grandes responsabilidades atravessam os milénios”

Burela, romance do escritor brasileiro Efigénio Moura, disponível em pré-venda na loja online da Através Editora

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”