A peça de monicreques é umha adaptaçom da obra homónima de Marta Lado, ganhadora em 2021 do III Premio Fina Casalderrey de Literatura Infantil pola Igualdade.
Este sábado, 14 de outubro, às 17h na Casa-Museu Manuel María, decorrerá o espetáculo, A pita xefa.
Dirigida para crianças de entre quatro e onze anos, anima a questionar, de jeito divertido, os esquemas sexistas dominantes. Protagonizada por umha pita que pode fazer muitas cousas como salto de longitude, bailar claqué… mas, sobre todo, pode conseguir o mais importante, mudar as normas do galinheiro.
A cenografía, monicreques e interpretaçom de esta obra de quarenta e cinco minutos foi feita por Borja Insua (Títeres Alakrán), um titiriteiro com experiência em festivais de marionetas na Galiza, na Península Ibérica e na América, que nos últimos anos desenvolvou propostas mui atraentes e de sucesso como Circo Galaico ou a baseada no livro de Manuel María, Os soños na gaiola.
O preço do bilhete é de 2€ e para assistir é necessário reservar em contacto@casamuseomanuelmaria.gal ou no whatsapp 698177621.
