PGL – O CS Aturujo, em Boiro, cumpre três anos de vida. Com motivo desta celebraçom, organizam umha festa para os dias 25 e 26. Como parte da programaçom haverá também um jantar para o qual já está aberto o prazo de inscriçom.
Os festejos começam a sexta-feira, dia 25, às 22h30, com a atuaçom das cantareiras Joaninhas. Umha hora depois haverá o espetáculo do monologuista Cándido Pazó e, já pola umha da madrugada, blues e funk com A Maldita.
Já no sábado, o local será o ponto de partida, às 13 horas, para umha ‘expediçom’ por Boiro para «tomar uns vinhos». Durante o percurso estarám acompanhados polo grupo de música Algharabia e por um fogueteiro.
Polas 15 horas terá lugar um jantar para o qual o pessoal já se pode ir inscrevendo no co-e localsocialbarbanza em gmail.com, ou enviando umha SMS para o 680 470 293, indicando o numero de comensais e um nome de contato. O preço é de 12€, e a ementa inclui queijo, tortilha, empada, churrasco e chouriços crioulos, vinho, pam, café e licores.
O último ponto do programa é o concerto, a partir das 23h, de PELdeNOZ e do Leo i Arremecághona.
[Prima aqui para alargar a imagem]
+ Ligaçons relacionadas:
- Dous anos do CS Aturujo [PGL, 15/02/2010]
- Blogue do CS Aturujo
