PGL – «Normalizaçom linguística, será questom de dinheiro?» é uma das informaçons estrela que publica nas suas páginas o número 73 (dezembro 2008 – janeiro 2009) do periódico galego de informaçom crítica Novas da Galiza, com umha conclusom bem esclarecedora: os subsídios à normalizaçom som usados para estancar o status do galego.
A língua tem mais protagonismo nas páginas desta nova ediçom do períódico soberanista, com artigos de opiniom assinados por Beatriz Peres Bieites, Tempo de prorrogaçom, e Valentim R. Fagim, Nacional de onde?
A secçom «A Fundo» está virada para os preparativos da primeira Lei de Montes galega, projecto que está a receber fortes críticas de ambientalistas embora o consenso aparente de sectores enfrentados.
A «Reportagem» do mês trata a crise do mexilhom, reflectida no desacordo entre os produtores e a pressom das transnacionais; em «Internacional» Jordi Muñoz Mendoza assina um artigo acerca do novo soberanismo catalám; e em «Além Minho» Paulo Ruben Reis informa sobre a ofensiva contra a escola pública por parte do governo PS de Sócrates.
Alexandre Furelos, activista do projecto de televisom alternativa Canal.On; Augusto Fontám, artista e activista social; Pilar Neira, treinadora da selecçom feminina de futebol; e Patrícia Porto, integrante do colectivo Lilith, som as pessoas entrevistadas em primeira mão neste novo número do Novas.
Ainda, o periódico reintegracionista noticia a resistência da Conselharia da Indústria a divulgar os beneficiários do negócio eólico, o êxito da greve do comércio, as possíveis consequências de queimar a figura do monarca espanhol, ou o Natal do Apalpador, bem como outras assuntos da actualidade geral e o desporto.
Igualmente, Xurxo Borrazás, Alonso Vidal e Xan Carlos Ánsia assinam artigos de opiniom virados para diversas temáticas; João Aveledo dá a conhecer os golfinhos dos nossos mares na coluna «Galiza Natural», Beatriz Santos apresenta um Conto ateu de Natal em «A Conjugar o Verbo Sexuar» e F. Traficante publica umha crítica sobre o filme romeno Quatro meses, três semanas, dous dias.
Finalmente, o suplemento A Revista atinge o número 4 lembrando a raiva do Prestige e publicando a terceira entrega da série ‘Percorrendo as paisagens galegas’, além da colaboraçom humorística da Plataforma Sei o que nos figestes…
 |
 |
Clicar em cima das imagens para ver as capas em tamanho grande
