PGL – Numha entrevista concedida ao diário Galicia Hoxe, o escritor, editor e jornalista Olegario Sotelo Blanco insta o presidente da Junta, Alberto Núñez Feijóo, a lograr um uso normalizado da língua galega. «Quero pensar que [Feijóo] estará à altura dos tempos e que, apesar da intençom de derrogar o anterior Decreto [do galego] saberá ser fiel ao país que preside e aos seus sinais de identidade», aifrma.
Para Sotelo Blanco, «o presidente Feijóo, que nasceu no rural coma mim, tem a responsabilidade de conseguir que o galego tenha um uso verdadeiramente normalizado nas instituiçons, no ensino, na rua e nas casas, isto é, em toda a sociedade galega».
O conhecido editor achq que nem todos os problemas da Galiza procedem do estado espanhol, e lembra que ele próprio encontrou obstáculos no próprio país por mor de «motivos escuros». Como exemplo, a sua iniciativa por criar um Muséu Galego da Emigraçom, vetado e judicializado polo Conselho da Cultura Galega. A Justiça deu-lhe a razom, mas criticou que «os supostos defensores da galeguidade» continuassem com preitos para paralisar o projecto.
No referente à pujança da língua, Sotelo Blanco remete-se para a sua experiência como editor. «Podo assegurar que o consumo de livros em galego foi em aumento», assegura.
Já no que atinge aos colectivos mais reaccionários e galebófobos, Sotelo Blanco sentencia: «nom acredito no bilingüismo nem na diglosia. Sempre existirá umha língua predominante e será com a qual nos identificaremos». Neste sentido, reconhece-se como «um galego afortunado», pois «fum o depositário da melhor herança que me podiam deixar os meus devanceiros: a língua galega».
A condiçom nacional da Galiza, a concepçom teórica do nacionalismo de hoje ou a monarquia e o sistema democrático som outras das questons sobre as que reflecte na entrevista.
+ Ligações relacionadas:
