PGL – Mais um ano, o Sindicato de Jornalistas da Galiza (SJG) denuncia na véspera do Dia das Letras que o uso do galego continua a ser «umha rareza» na maioria dos meios de comunicaçom. Por este motivo, denuncia a «prática hipócrita» de muitos jornais lançarem versons em galego só no 17 de Maio.
Para o SJG, se bem é positivo o gesto, é hipócrita num momento em que muitos profissionais se encontram com grandes dificuldades para o uso quotidiano do galego nos seus respectivos meios de comunicaçom, em especial quando recebem «multimilionárias subvençons».
O sindicato denuncia o galego se veja relegado a secçons como Cultura ou Opiniom (nas quais tampouco é a língua maioritária), e por isso pede dos meios de comunicaçom um compromisso «além do puramente estético» com a língua de «muitos dos seus profissionais e da maioria da sua audiência».
+ Ligaçons relacionadas:
- Comunicdado na web do SJG
- Sindicato de Jornalistas denuncia que muitos profissionais galegos nom têm liberdade para usar o idioma do país [Velho PGL, 19/05/2007]
