Centro Social Revira – Esta sexta 5 de novembro às 20:00h vai ter lugar no local da nossa associaçom a apresentaçom da 2ª ediçom do manual Do Ñ para o NH (manual de língua para transitar do galego-castelhano para o galego-português), polo seu autor e presidente da AGAL, Valentim R. Fagim.
O manual tem umha estrutura de áreas críticas. Foca, portanto, aqueles aspectos onde umha pessoa da Galiza pode sentir dificuldades. Divide-se em 57 unidades, por sua vez distribuídas em Ortografia, Morfossintaxe, Léxico e umha miscelânea de revisom. As unidades contenhem umha introduçom teórica para ser testada numha prática. O solucionário que encerra o livro permitirá avaliar os nossos exercícios, reforçando a utilidade da obra como ferramenta de aprendizagem.
O livro está editado pola ATRAVÉS|EDITORA, marca editorial da Associaçom Galega da Língua. As ilustraçons som da autoria de Xico Paradelo, a ilustraçom do cozinheiro é de Miguel Garcia, os desenhos da capa e contracapa som de Leandro Lamas, a fotografia do autor realizou-a Luz Castro e a diagramaçom correspondeu a Manuel P. Vigo para Inova Comunicaçom Corporativa.
Centro Social Revira
Rua de Gonzalo Gallas nº 4, rés-do-chao
(Ponte Vedra)
+ Ligaçons relacionadas:
- Comprar a segunda edição de Do Ñ para o NH, de Valentim R. Fagim, na loja Imperdível
- Já à venda a segunda edição do manual Do Ñ para o NH [PGL, 18/10/2010]
- Valentim R. Fagim: «O português é umha vantagem competitiva, e parece como que se esconde» [PGL, 07/07/2010]
- Crónica da apresentaçom do livro ‘Do Ñ para o NH’ em Paris [PGL, 20/01/2010]
- Semana de apresentações do manual «Do Ñ para o NH» e de concursos do Planeta NH [PGL, 09/11/2009]
- Do Ñ para o NH: manual de língua para transitar do galego-castelhano ao galego-português [PGL, 08/07/2009]
- Todas as notícias sobre o manual no PGL
