PGL – Começa o prazo de inscrições para a sétima ediçom dos cursos «Escrever.com.nh», voltado para a escrita do galego seguindo os critérios propugnados pola Associaçom Galega da Língua (AGAL) e «Falarmos Brasil», o qual tem o foco na variedade da nossa língua falada no país americano. Estas duas ações formativas decorrem na plataforma on-line Falarmos, desenvolvida pola AGAL. Os cursos iniciam a dia 5 de maio.
Da equipa de cursos da AGAL pedem para as pessoas interessadas consultarem as instruções de matrícula. Se houver alguma dúvida, podem pedir mais informações enviando umha mensagem eletrónica para cursos[arroba]agal-gz.org (Escrever.com.nh) e cursos[arroba]ciranda.pt (Falarmos Brasil).
FALARMOS BRASIL
O Brasil tem passado recentemente de ser umha potência cultural a ser umha potência política e económica. Este facto está a abrir muitas oportunidades de todo o tipo que a cidadania galega pode e deve aproveitar, mercê à língua que compartilhamos.
Este curso on-line vem a facilitar o percurso que a aluna ou aluno galego tem de percorrer para, partindo dos falares galegos, aterrar no formato brasileiro de língua. Para além do código lingüístico, o curso fornecerá aspetos culturais que nos ajudem a entender melhor o Brasil e a sua cidadania.
O curso tem uma duraçom de 60 horas distribuídas em 40 dias e 10 unidades, e está monitorizado por Carme Saborido, professora de português. Esta atividade formativa inclui práticas de expressom escrita com dinâmicas de grupo.
Descontos para sócios/as da AGAL e pessoas sem emprego
O preço do curso é de 60 euros (IVA incluído) para empregados/as e de 45 euros para desempregados/as e sócios/as da AGAL. Existe a possibilidade de adquirir dous manuais de apoio ao curso (em formato livro) que seriam enviados polos correios somando mais 15 euros à matrícula base. A superaçom do curso dá direito a um diploma emitido pola AGAL.
ESCREVER.COM.NH
O curso tem umha duraçom de 40 horas distribuídas em 4 semanas e 8 unidades e está monitorizado por Afonso Mendes, professor e tradutor profissional, e inclui exercícios de expressom escrita bem como dinâmicas de trabalho em grupo.
Falarmos.com é umha iniciativa da Associaçom Galega da Língua (AGAL) para fortalecer o conhecimento por parte dos galegos e as galegas da língua internacionalmente conhecida como português, e nomeada comummente galego (na Galiza).
Preço e descontos
O é de 35 euros (IVA incluído) para o público geral e de 30 euros (IVA incluído) para sócias/os da AGAL e desempregadas/os. Existe a possibilidade de adquirir dous manuais de apoio ao curso (em formato livro) que seriam enviados polos correios somando mais 15 euros à matrícula base. A superaçom do curso dá direito a um diploma emitido pola AGAL.
+ Ligações relacionadas:
