PGL – O Serviço de Normalizaçom Lingüística do Concelho de Vigo, em colaboraçom dom o Departamento de Português da EOI da cidade organiza para 10 de maio um serão com a contadora Helena Faria. Será às 20 horas no auditório da escola oficial de idiomas.
Helena Faria tem o curso de Educaçom de Infância, licenciatura em Teatro, pós-graduaçom em Estudos Teatrais e o mestrado em Análise Textual e Literatura Infantil. Como narradora oral e mediadora do livro e da leitura trabalha, há quase 10 anos, numha biblioteca itinerante percorrendo as escolas do 1º ciclo (ensino primário) do concelho de Coimbra e contando estórias, informa o blogue Quarta dos Contos.
Com a associaçom cultural Camaleão tem desenvolvido desde 1990, em Coimbra, um trabalho continuado nas áreas do teatro, da narraçom oral, da música e do associativismo cultural.
