PGL – O Senado espanhol aprovará neste mês de Julho as reformas do Regulamento da Câmara Alta que resultarám num incremento das possibilidades de uso de galego, catalám e basco.
Deste modo incrementam-se as possibilidades de uso na Câmara Alta das línguas que som co-oficiais nas suas respectivas comunidades autónomas. A iniciativa já foi aprovada no 28 de Abril deste ano e entrará em andamento em 2011.
Se se manter o consenso de todos os grupos do Senado, com excepçom do PP, poderia sair um ditame da reuniom da Comissom de Regulamento na a semana de 12 a 16 de Julho, e poderia ser aprovado a semana seguinte, no Pleno previsto para os dias 20 e 21.
Finaliza assim o trâmite dumha proposta que nasceu por iniciativa de mais de 30 senadores pertencentes aos grupos de CiU, Entesa Catalana de Progrés, Nacionalistas (ao que pertencem o senador do BNG Xosé Manuel Pérez Bouza) e o Misto. O objectivo inicial era superar o uso na comissom de Comunidades Autónomas, levando os três idiomas à totalidade de plenos e comissons. Esta possibilidade nom se conseguiu por inteiro, já que os senadores do PSOE frenárom as aspiraçons, limitando-as aos debates que se realizam antes da votaçom das moçons.
+ Ligaçons relacionadas:
- PSOE limita o uso de galego, catalám e euscara no Senado espanhol [PGL, 18/06/2010]
- Solicitam ampliar o uso das línguas co-oficiais do estado espanhol no Senado [PGL, 11/01/2010]
