PGL – Os idiomas cooficiais na Galiza, País Basco e Catalunha só serám empregues nos debates que se realizam antes da votaçom das moçons. O PSOE rejeita a proposta dos senadores nacionalistas para o seu uso em todas as actividades das comissons e o pleno e trava qualquer aspiraçom no Congresso.
Segundo se publica o jornal espanhol Público, o PSOE comunicou aos senadores nacionalistas dos quais partia a iniciativa, umha outra na qual as três línguas cooficiais nas suas respectivas comunidades autónomas só podem ser utilizadas no debate das moçons.
Aclara-se também que nom se possibilitará tampouco o emprego na sessom de controlo ao Governo. Aliás, o PSOE assinala que nom se trasladará este pequeno espaço para línguas cooficiais do Estado ao Congresso.
Deste jeito os senadores do PSOE param um processo com o qual cresceria notavelmente a presença de catalám, euscara e galego nas instituiçons espanholas, onde a sua presença, fora do Senado, é completamente nula.
+ Ligaçons relacionadas:
- O PSOE limita no Senado as línguas cooficiais [A Nosa Terra, 16/06/2010]
