PGL – Amanhã, dia 22 de junho, a patronal das empresas TIC galegas, EGANET, organiza o seminário «Internacionalizaçom Brasil: Cercano e Viável». No encontro poderám participar todas as empresas com algum tipo de interesse no mercado brasileiro, independentemente de que participem ativamente na Missom Comercial TIC ao Brasil.
A jornada é precisamente a primeira atividade dessa missom comercial, e está organizada por EGANET, AGASOL e o Clúster TIC Galiza e terá lugar na Fundaçom CaixaGalicia (Rua do Vilar 19, Santiago de Compostela) a partir das 09:00 horas.
Terá umha focagem essencialmente informativa sobre as estratégias de internacionalizaçom no mercado brasileiro e as peculiaridades legais para a implantaçom ou comercializaçom no país. Intervirám como relatores um grupo de especialistas formado por fiscalistas, economistas e engenheiros de telecomunicações, ora brasileiros, ora com ampla experiência no Brasil ou em todo caso com empresas que funcionam desde São Paulo.
EGANET já realizou dous sucedidos projetos de apoio e informaçom para a internacionalizaçom das empresas sócias, e para este terceiro projeto, a missom comercial, somam-se AGASOL e o Clúster TIC Galiza. A atividade principal será umha missom comercial a São Paulo de 26 de setembro a 2 de outubro.
+ Ligações relacionadas:
