A Escola Semente de Ourense, que há poucos meses lançava umha campanha de micromecenado para poder abrir o centro escolar para crianças de 2 a 6 anos. Agora estám à procura de umha pessoa educadora, bem com grau em Educaçom Infantil ou bem técnica/o Superior em Educaçom Infantil, para incorporar-se o vindouro curso. Valoriza-se o compromisso ativo com a língua, a formaçom em questões de género, a participaçom em movimentos sociais, experiência prévia, vinculaçom com o projeto Semente e boa qualidade linguística.
A proposta da Semente Ourense, na linha das demais escolas Semente do país, fundamenta-se nos princípios da imersom linguística, coeducaçom, no relacionamento com a comunidade e a natureza, na laicidade e na criaçom dum modelo educativo alternativo baseado na centralidade da criança no processo de aprendizagem. Também, quanto à organizaçom, no assembleiarismo como forma de funcionamento, assim como na escolha do reintegracionismo como norma ortográfica e modo de entender o galego como língua internacional.
