PGL – A Associaçom Cultural Fontaira, promotora da Galicola, acaba de apresentar mais um ano o Certame Ángelo Casal, através do qual dedicam 5% das suas vendas ao Fundo polo Galego, destinado a premiar as duas associações mais votadas entre aquelas que trabalhem pola normalizaçom e defesa da língua galega.
Até 1 de maio cada consumidor/a de Galicola poderá votar nos projetos que prefira, utilizando para isso as etiquetas das envalagens. Nom há limite aos votos que cada pessoa queira enviar e poderá-se votar tanto por correio postal, quanto em urnas instaladas em centros sociais e locais por todo o País.
Tal e qual indicam em comunicado de imprensa, o futuro do idioma está no trabalho de base e da Fontaira animam todas as entidades a participar do Certame e propagar a sua participaçom e existência. O prazo de apresentaçom de candidaturas finaliza a 31 de janeiro e serám dadas a conhecer na página web da Galicola.
Esta segunda ediçom do Certame é apresentada com um novo formato de maior qualidade, nova envalagem, nova fórmula e “mais um impulso para constituirmo-nos como alternativa à imperialista Coca-cola e achegar fundos para o associacionismo galego”, salientam.
No dia 17 de maio de 2011 procederá-se à contagem dos votos, sendo que os dous projetos mais votados repartirám, a médias, a totalidade do dinheiro do Fundo Galego. O projecto financiado na ediçom de 2009, a primeira, foi o apresentado pola associaçom Mocidade pola Língua.
+ Ligações relacionadas:
- Dítico bases segunda ediçom do Certame Ângelo Casal [ exterior | interior]
- Web da Galicola
- Refrescar a gorja, e a língua [PGL, 24/08/2009]
