PGL – O vindouro dia 25 de Março, terça-feira, às 8 do serám, o catedrático de filologia românica na Faculdade de Filologia da USC e membro da Real Academia Galega, Antón Luís Santamarina Fernández, falará dentro do ciclo “Língua, Literatura, e Naçom”, coma sua exposiçom intitulada “Toponímia Galega”. O acto terá lugar em Portas Artabras, rua Sinagoga 22 – Cidade Velha – Crunha.
Santamarina Fernández tem trabalhos, só ou em colaboraçom, em diferentes campos da lingüística e etnografia galegas:
a) Didáctica: Participou na redacçom dos manuais Galego 1 (1971), Galego 2 (1972) e Galego 3 (1974).
b) Gramática: Estudos sobre a gheada, o verbo, o adverbio e as conxuncións que e ca.
c) Planificaçom do corpus: Participou na elaboraçom da normativa ortográfica e morfológica segundo as propostas do ILG (Bases1977) e ILG-RAG (Normas1982 revistas em 1995 e 2003).
Colaborou com M. González nas escolhas léxicas para um Vocabulário ortográfico da língua galega (VOLGA) e redigiu em solitário (em 2003) os critérios em que se baseou esta obra.
Tem vários trabalhos teóricos sobre o assunto da normativa, entre eles o intitulado “Norma e estándar” no Lexicon der Romanistischen Linguistik, vol. VI, 2 (1994). Interessou-se igualmente polo incorporaçom das chamadas falas exteriores ao modelo literário galego.
Foi co-director, com Manuel González González, do Dicionário da Real Academia Galega de 2012-13.
