B. G. – Sábado 14 de abril, às 21 horas, o Centro Social A Gentalha do Pichel (Rua Santa Clara n.º 21, Compostela) acolherá umha ceia em apoio à escola de ensino em galego A Semente.
Todas e todos conhecemos avondo esta iniciativa que se está a desenvolver em Compostela auspiciada pola Gentalha do Pichel que pretende criar os alicerces do que devera ser a a “Criaçom da Nova Escola Galega”.
Esta escola deseja viver integrada, aberta e preocupada com os aspetos que decorrem dia após dia no bairro, localidade ou cidade e na comunidade ou sociedade mais ampla e na qual se insere. Quer dizer, do espaço mais concreto e mais localizado do entorno mais próximo ao mais amplo da Galiza.
Um espaço educativo assim nom tem mais que umha possibilidade: o uso da nossa lingua na realizaçom de todas e cada umha das suas atividades, além de procurar umha pedagogia transformadora da própria sociedade, a criatividade como elemento indispensável para o desenvolvimento normal das crianças, livre de qualquer adotrinamento religioso, baseada na coeducaçom e na igualdade de género, inserida na natureza aprendendo os valores ambientais, a interculturalidade, interatividade e todo aquilo que fizer crescer em armonia e se enriquecer ao mesmo tempo a todas e cada umha das crianças.
Conhecendo todos estes aspetos que já está a desenvolver, temos de tomar consciência da importância da sua tarefa para o presente e futuro do nosso país e das geraçons que cá estám e as que estám por vir e inculcar-lhes o amor polo que somos e pola riqueza e conservaçom do que nos pertence, do que é nosso, da nossa cultura e da nossa língua.
Tomar consciência e solidarizarmo-nos com esta iniciativa é apoiar e colaborar com ela para oferecer às nossas crianças o melhor dos mundos possíveis. Da vossa participaçom depende a continuidade deste projeto que, mais que necessário, resulta imprescindível.
Os bonos podedes recolhê-los no C.S. O Pichel ao preço de 15 €. A ementa consta de:
1º prato: empada
2º prato: carne ao caldeiro
3º sobremesa: arroz com leite.
Bom proveito a todas e todos!
+ Ligaçons relacionadas:
- Um projeto de País (Artigo de Heitor Rodal Lopes) [PGL, 27/12/2011]
- A Semente, escola de ensino galego, abre por fim as portas [PGL, 02/11/2011]
- Jornadas de análise para o ensino popular: ‘Umha escola para nos fazermos grandes’ [PGL, 06/10/2011]
- Escola Semente abre convocatória para duas vagas de trabalho [PGL, 23/09/2011]
- Marta Santos e Marcos Lopes: «O nome da escola Semente dá ideia de abrolhar, de começar a vida, nom só das crianças, mas também dum projeto que aspira a crescer» [PGL, 14/09/2011]
- Andamos novamente a sementar. A colheita desta nova espécie será no outono [PGL, 09/09/2011]
- Abre ‘Semente’, primeira escola de ensino em galego [PGL, 31/08/2011]
- Web da Semente
- Facebook Semente
- Contacto Semente: sementecompostela [arroba] gmail [ponto] com
