PGL – Com motivo do Dia do Orgulho LGBT, a 28 de junho, às 20h, terá lugar na livraria Couceiro (praça de Cervantes) a apresentaçom do livro Amigos e Sodomitas. A configuración da homosexualidade na Idade Media, de Carlos Callón. A seguir realizará-se um roteiro por diferentes espaços de Compostela recolhidos nesta obra.
Destarte, será visitada a rua em que moravam Sancha e Maria, satirizadas no século XIII polo seu amor, observará-se a evoluçom das representaçons do santo galego Paio —«de efebo desejado polo califa de Córdoba e Ganimedes de Cristo, a soldado homófobo da cristandade»—, bem como as representaçons positivas das relaçons entre dous homens nalgumha arte religiosa.
