PGL – A associaçom compostelana O Galo organiza para este sábado um roteiro pola lírica medieval galego-portuguesa. O percurso iniciará às 11h na praça de Cervantes e estará dirigido polos professores Isabel Morám Cabanas e José António Souto Cabo.
Morám e Souto, co-autores do volume O amor que eu levei de Santiago, serám os guias de um interessante roteiro polo principal centro cultural e político da Idade Média. As pessoas que se achegarem poderám percorrer os espaços das cantigas com Airas Fernandes, Airas Nunes, Bernal de Bonaval, Fernando Esquio, Joám Airas, Joám Vásquez, Pai Gômez, Pedro Amigo, Pero da Ponte ou Pero Garcia, entre outros.
Centro religioso, político e cultural
Os professores Isabel Morám e José António Souto explicam n’O amor que eu levei de Santiago que a capital galega foi nos séculos XII e XIII um importante centro religioso, político e cultural. A cidade funcionou nom apenas como pólo de atraçom para as correntes intelectuais e artísticas que prevaleciam na Europa, mas como ponto de difusom destas tendências e de outras que ali teriam encontrado o seu berço.
Precisamente, por essa razom muitos dos trovadores cuja produçom recolhem os cancioneiros galego-portugueses estám de um ou otro modo relacionados com Santiago de Compostela.
