PGL – No quadro da série Das elites galegas, que recolhe «textos dedicados ao papel histórico das classes dominantes da/na Galiza», o portal independentista galizalivre.org acaba de publicar, «em ortografia actual», o artigo de Vicente Risco «Os governantes galegos».
O artigo original tinha sido editado em seu dia polo professor e lexicógrafo Isaac Alonso Estraviz, e no mesmo Risco apresenta «uma brilhante análise dos políticos dos anos 30 que pode ser perfeitamente transferível ao contexto atual do autonomismo galego», segundo galizalivre.org.
O portal galego de informaçom e formaçom «livre e sem mordaças» atingiu no passado mês de Novembro até 15.777 visitas, o que significa um recorde absoluto na nova etapa iniciada depois do ataque informático que sofreu em 2005, coincidindo com a Operaçom Castinheiras.
Desde entom, e graças ao trabalho de gente «nom especializada neste tipo de meios», galizalivre.org mantém, umha publicaçom constante de notícias e reportagens, bem como entrevistas a gente dos movimentos sociais, traduçons para o galego (em ortografia internacional) de trabalhos de teoria social, e recuperaçom de textos históricos do nacionalismo e independentismo galego.
