PGL – Nantes acolheu neste passado sábado, 20 de Setembro, o Festimanif, um grande acontecimento que incluiu umha manifestaçom, umha feira de entidades e vários espectáculos culturais. Umha quinzena de organizaçons convocárom o acto, reivindicando também umha lei que respeite a língua e a cultura bretoas, além da transferência de competências.
O território da Bretanha histórica está repartido hoje em dia entre duas regions administrativas francesas diferentes: a regiom da Bretanha, com os quatro departamentos ocidentais do país; e o departamento do Loira Atlàntic, pertencente à região do País de Loira. As entidades convocantes pediam que os cinco departamentos da Bretanha histórica voltem a fazer parte de umha sozinha regiom administrativa.
Por outro lado, o acontecimento serviu também para reclamar uma transferência de competências e recursos do Governo central para a regiom da Bretanha, bem como o respeito e a protecçom da língua e a cultura bretoas.
A jornada, que combinava um carácter feriado com um discurso de protesto, contou com umha manifestaçom, que atraiu além de 10.000 pessoas, além de umha feira com postos de entidades do país e um espectáculo com concertos e danças bretoas.
A organizaçom foi a cargo do Conselho Cultural da Bretanha, e as entidades convocantes fôrom, entre outras, o Instituto Cultural da Bretanha, a organizaçom Bretanha Reunida e a rede de diwan, as escolas associativas em língua bretoa.
+ Ligaçons relacionadas:
- La Bretanya combina festa i protesta per reclamar la reunificació. Nationalia, 22 de Setembro de 2008.
- Els Bretons reclamen la reunificació. Vídeo-reportagem em Vilaweb, 19 de Setembro de 2008.
