Partilhar

Reintegracionistas no 17-M: «Distinguíveis porque levavam um sorriso»

Maria Espantoso – A Associaçom Galega da Língua (AGAL) e a Associação pró-AGLP participárom o passado 17 de Maio na manifestaçom em defesa da nossa língua. Figérom-no sob o lema «Multiplica X100 a tua língua», a mesma palavra de ordem que levavam dias a difundir pola internet mediante umha sucedida campanha.

No blogue X100 recolhêrom durante quase duas semanas testemunhos e reflexões de pessoas defendendo a necessidade de multiplicar a nossa língua X100, de 2,5 milhões de galegos e galegas para os mais de 250 milhões do universo lusófono. Na mesma plataforma carregárom palavras de ordem e cânticos para «fazer a festa» o 17 de Maio. Precisamente, polas palavras de ordem, as canções e o colorido, o cortejo multiplicador nom passou despercebido.

A faixa da AGAL e a Pró-AGLP em vários momentos da manifestaçom
[Prima aqui para alargar a imagem]

Mas havia um outro elemento que chamou a atençom: a alegria. Como recolhe a crónica publicada polo Sermos Galiza na ediçom digital,na manifestaçom também estavam «os reintegracionistas e lusistas (vá você saber qual a diferença!). Eram distinguíveis porque levavam um sorriso. Faixas com ene-agá, ele-agá e muita brincadeira». Julguem por si próprios no vídeo a seguir.

«Multiplica X100 a tua língua» – 17 de Maio de 2013

{youtubejw}tor3leDASI0{/youtubejw}

O galego nom encolhe

A manifestaçom, que iniciara na Alameda de Compostela, finalizou na praça da Quintã. A meteorologia foi benévola na maior parte da manifestaçom, embora houvo momentos em que os guarda-chuvas fôrom necessários, como no final do evento: aquando as últimas estrofes do hino nacional galego, as precipitações faziam obrigatório abrir os guarda-chuvas. Era umha chuva mole que se levava bem, mas que ia a mais segundo ia finalizando o hino, deixando trás de si um aguaceiro antológico após o derradeiro «Naçom de Breogám»: os céus descarregavam tensom, igual que acabavam de fazer os manifestantes. Mas pouco importava, porque «ainda que se molhe, o galego nom encolhe»: multiplica-se!

 

 

Faixa da Pró-AGLP e a AGAL na praça da Quintã, no final da manifestaçom

 

Bloco Laranja

Para lá deste cortejo multiplicador, que se situou nos primeiros postos da manifestaçom, o reintegracionismo estivo também representado polo Bloco Laranja. Sob a palavra de ordem «Crescer na nossa língua para estar no mundo», situárom-se no final da manifestaçom a modo de bloco crítico. Houvo também outras faixas como «Para salvar a língua galega necessitamos a independência» (Causa Galiza), «Contra o espanholismo: auto-defensa. Galiza ceive e monolíngüe!» (Briga) ou ainda umha citaçom de Carvalho Caleor, «O galego, ou é galego-português ou é galego-castelhano. Nom há outra alternativa».

 

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”

Ângelo Brea: “O amor pela família, o cuidado dos filhos ou as exigências de uma vida com grandes responsabilidades atravessam os milénios”

Burela, romance do escritor brasileiro Efigénio Moura, disponível em pré-venda na loja online da Através Editora

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”