PGL – Mercê ao Novas da Galiza, o reintegracionismo está pola vez primeira presente numa associaçom que defende os interesses dos meios de comunicaçom em galego. Isto é assim após a recente constituiçom da Asociación de Medios en Galego (AMG), que continuará o trabalho da já inoperante Asociación de Medios Escritos em Galego (AME).
Forma parte da AMG dez meios escritos, radiofónicos e digitais: Tempos Novos, Novas da Galiza, Galicia Confidencial, Que Pasa na Costa, Xornal Certo, Radiofusión, De Luns a Venres, Praza Pública, O Compás e Valmiñor.info, embora outros, como Sermos Galiza, já manifestárom interesse em integrar o coletivo.
Como indicado no começo, cabe destacar que a AMG nasce sem exclusões por razom de normativa, todo o contrário que a desaparecida AME, que pola via do silêncio formal vetou a entrada do Novas da Galiza por aderir aos postulados reintegracionistas, conforme ao noticiado polo PGL em maio de 2006.
