Reintegracionismo debate “binormativismo”



AGAL LOGO DECALOGOA próxima assembleia da AGAL é a última de 2018. Será em Ponte Vedra, como nos últimos anos, já que vai calhar com o sábado do Culturgal (este ano 1 de dezembro). No plenário será discutida, e aprovada ou reprovada, a estratégia binormativista defendida polo atual Conselho da AGAL ao longo do mandato em curso. Porém, antes da própria assembleia, os sócios e sócias da associaçom poderám debater sobre este programa na ferramenta Loomio, onde para além de pronunciar-se, também poderám fazer propostas de emendas a um texto proposto polo Conselho.

Polo menos até o final do presente mandato, o Conselho da AGAL tenciona trabalhar em torno do eixo programático do binormativismo. Consiste numha proposta de política linguística destinada a aproveitar em favor do galego e da populaçom em geral as diferentes posturas que existem em relaçom à codificaçom do galego, uma vez que o Conselho assume que nengumha delas vai desaparecer e que todas têm vantagens.

O objetivo é que na sociedade avance a tolerância em relaçom às diferentes estratégias existentes para promover o galego. O Conselho diz considerar, de facto, que neste momento de crise da transmissom geracional da língua, a acumulaçom de forças em prol do galego, seja qual for a orientaçom ortográfica dos utentes/ativistas, irá ser vista com cada vez maior simpatia, particularmente no galeguismo político e cultural.

Com o binormativismo pretende-se ir construindo um novo consenso para a língua, nom tanto através de umha negociaçom que atinja objetivos concretos nos próximos meses ou anos, senom sobretodo gerando um estado de opiniom que poda vir a dar outros frutos no futuro. A desejável implementaçom de umha política binormativista, quando a sociedade estiver madura para a assumir, deveria concluir com a equiparaçom total dos direitos linguísticos de reintegracionistas e autonomistas, mas para isso ser de facto possível, é preciso interlocutores de ouvidos abertos e muita pedagogia.

Quanto à AGAL e ao reintegracionismo, deseja-se ampliar o público alvo, de maneira a mais pessoas se atreverem a opinar sobre a questom da convergência com o português, sem pontos de partida ou de chegada categóricos. Ainda, aspira-se a aumentar a simpatia polo lusismo em setores muito adversos a ele na atualidade, fomentando nesses âmbitos a abordagem da questione della lingua sem preconceitos nem temores.

Divulgaçom da estratégia binormativista

Se for aprovada, até ao final do verão, ela será apresentada a diferentes coletivos, instituições e partidos, nom apenas para expor a nossa ideia, mas sobretodo com o objetivo de ouvir alternativas, conhecendo-lhe os inconvenientes e fazendo-lhe melhorias.

Porém, a proposta do binormativismo será antes discutida com o conjunto de sócios e sócias da AGAL, que durante as próximas semanas, até 23 deste mês, poderám discutir o texto que irá figurar no FAQ oficial da AGAL caso seja aprovado na assembleia (ver anexo). Como noutras ocasiões, para o debate pré-assemblear vai usar-se a ferramenta Loomio. A decisom tomada com esta ferramenta nom é vinculante, mas com certeza será tida muito em conta pola assembleia em que será (ou nom) aprovado o texto. No Loomio, para além de te pronunciares sobre a proposta em geral, votando a favor ou contra, poderás fazer emendas (emendas de supressom, de acréscimo ou de modificaçom) usando a opçom dos comentários. As emendas serám recolhidas pola Secretaria da AGAL para serem discutidas nas assembleia de 1 de dezembro.

 

Debate no Loomio

Se ainda nom pertences ao grupo da AGAL no Loomio, deves primeiro pedir a entrada aqui. Para isso, cumpre acederes com o teu nome real para verificarmos a tua condiçom de só[email protected]

O fio do Loomio tem dous espaços, um de debate e outro de votaçom. O primeiro, situado à esquerda e que podes ver nesta imagem é o mais apropriado para argumentar, pois permite uma maior interaçom e nom tem tanta limitaçom de caracteres. O segundo permite só um breve comentário para justificar o voto.

 

http://agal-gz.org/faq/doku.php

https://www.loomio.org/d/mXDN3WrZ/apresenta-om-da-estrat-gia-binormativista

Descarrega:

Texto-binormativismo-debate-assembleia-1-dez-2018


PUBLICIDADE