PGL – O Voluntariado pola Língua regressa a Compostela numha nova ediçom mais fiel às origens, mas focada como serviço para a integraçom da comunidade imigrante, mas nom só. Basicamente, é um programa grauito que pretende pôr em contato pessoas que falam galego habitualmente com pessoas que nom dominam a nossa língua.
No programa participam pares de pessoas voluntárias e aprendentes. Poderám ser aprendentes todas aquelas pessoas que por diversas razons nom usem a língua oralmente e queiram avançar na sua aquisiçom. Principalmente serám pessoas vindas de fora que estejam a morar na Galiza, ainda que também podam participar galegos e galegas que nom dominem a língua falada porque carecem de um ámbito comunicativo para darem os primeiros passos.
Os voluntários e voluntárias tenhem a motivaçom de introduzir outra pessoa no uso da língua oral, dando-lhe um ámbito de comunicaçom do qual o aprendente nom dispom. Estes voluntários ou voluntárias, que som disponibilizadas pola Gentalha do Pichel, expressam-se em galego fluentemente e tentam falar com a máxima qualidade de galego possível perante umha pessoa que está a dar os primeiros passos.
Aprendentes
As pessoas interessadas em aprender, apenas devem telefonar ou escrever um correio eletrónico para fornecer uns mínimos dados pessoais para saber assim o nível lingüístico. As e os aprendentes comprometem-se a compartilhar polo menos dez horas de conversa durante três messes com a pessoa voluntária.
+ Ligaçons relacionadas:
