PGL País Basco – Os 71,1% dos alunos que entrarám no ensino Infantil receberám umha educaçom íntegra em euskara, frente ao 69,9% do ano passado, o que implica um novo recorde. Desde 2001, esta opçom cresceu dez pontos nas estatísticas.
As percentagens aumentárom de ano para ano até superar este curso todos os rátios anteriores e converter-se na opçom de mais dos dous terços dos escolares. Os dados de matriculaçom assim o confirmam. Um total de 20.620 nenos e nenas de 3 anos acederám na próxima semana ao sistema educativo basco. 14.667 entrarám no modelo D (essencialmente bascófono).
Pola contra, o modelo B (bilingüe) mantém-se praticamente estável ao passar de 4.983 matriculaçons para 4.926, com umhas percentagens de solicitudes do 23,9%. A situaçom da linha A (essencialmente em espanhol) é bastante mais complexa ao prosseguir a caída e concentrar os 5% dos nenos que começam Infantil, seis décimas menos que no ano anterior. Só 1.027 famílias escolhêrom escolarizar os filhos neste sistema.
Polémica
A Plataforma pola Liberdade Lingüística, formada por cerca de 2.000 maes e pais bascos, e o PP, denunciárom em repetidas ocasions que a baixada de petiçons para estudar em espanhol «nom é natural», mas que obedece às pressons que exerceu sobre os centros o anterior Departamento de Educaçom, nas maos do partido nacionalista EA, para que teriam reduzido a oferta do modelo A nos centros púlbicos e privados. Contrasta com a situaçom da Galiza, onde o incremento das aulas em espanhol é muitas vezes explicado como a pedido e pais e e maes quando o que esconde é em muitos casos a vulneraçom sistemática do actual quadro legal.
