Reclamam a galeguizaçom do brasom das Neves

PGL – Do grupo parlamentar do BNG reclamam a galeguizaçom do brasom do concelho das Neves, na comarca do Condado, no qual figura a legenda «Muy leal», referência outorgada em 1914 polo entom rei da Espanha, Afonso XIII.

O grupo parlamentar nacionalista assinala que se trata de um caso único em toda a Galiza e reivindicam que, do mesmo modo em que no ano 1980 se reverteu a deturpaçom do topónimo —que oficialmente era Nieves—, aconteça algo similar com o brasom e a legenda em castelhano seja substituída por umha outra em galego, especialmente por ser esta a língua ultramaioritária da populaçom do município.