O número 381 (ano 2020) do boletim da Real Academia Galega (BRAG), dedicado integramente a Ricardo Carvalho Calero, está acessível no site desta instituiçom desde o dia 5 deste mês.
Ao longo de mais de 400 páginas, a figura de Carvalho é abordada a partir de diversas perspetivas, às vezes a partir “da discrepância crítica, outras a partir da adesom às suas propostas, mas sempre com admiraçom, respeito e afeto”.
Os estudos nom esquecem praticamente nenhuma faceta do intelectual ferrolano e pertencem a Justo Beramendi, Xosé Manuel Vélez Latorre, Pilar Pallarés, Alberte Valverde, Henrique Monteagudo, Laura Tato Fontaíña, Henrique Rabuñal, María Pilar García Negro Dolores Vilavedra, Carmen Blanco ou Serafín Alonso Pintos. Também participam os reintegracionistas Eduardo Maragoto, que analisa o impacto do Carvalho reintegracionista dos seus tempos à atualidade, e José-Martinho Montero Santalha, que estuda a sua vida e obra nos últimos dez anos.
No boletim também é possível aceder aos discursos académicos do Dia das Letras Galegas de 2020, proferidos por Ramón Villares, Margarita Ledo Andión e Francisco Fernández Rei.
Para além dos diferentes trabalhos a analisar a sua figura, o boletim publica pola primeira vez a proposta de Normas ortográficas e morfolóxicas que Carvalho apresentou à RAG em 1979.
Para além dos diferentes trabalhos a analisar a sua figura, o boletim publica pola primeira vez a proposta de Normas ortográficas e morfolóxicas que Carvalho apresentou à RAG em 1979, mais um acréscimo ao conhecimento da evoluçom da posiçom de Ricardo Carvalho Calero em relaçom com a codificaçom normativa do galego.
O BRAG é a publicaçom em que a Real Academia Galega recolhe anualmente contributos à volta da autora ou autor homenageado nas Letras Galegas.
