Que é isso do reintegracionismo?

Gentalha – ‘Cada reintegracionista representa um reintegracionismo diferente’. Por detrás deste tópico esconde-se umha verdade que angustia amigos e inimigos do reintegracionismo

Arriscando muito, pode assegurar-se que o reintegracionismo é formado polas pessoas que, com diferentes ritmos e em diferentes ámbitos, entendem que a língua e a cultura luso-brasileira devem tornar-se num reforço fundamental para a cultura e a língua galegas.

Esta posiçom tem-se visualizado especialmente através de umha prática ortográfica convergente com o português no momento de escrever em galego, mas… existem no reintegracionismo outros denominadores comuns? Que pensam os reintegracionistas do bilingüismo? E da relaçom política com Portugal ou Espanha? E do galego da TVG? Tu também podes ajudar-nos a resolvê-lo.

No dia 15 de Janeiro, quinta-feira, às 21h00, vamos apresentar o nosso FAQ, que acaba de ser reeditado com mais de 600 exemplares, e queremos aproveitar para debater entre todos e todas sobre as razons e práticas que nos unem. Para participar, nom é preciso seres reintegracionista, e mesmo preferiríamos que fosses, simplesmente, um observador ou observadora interessada no futuro do galego, sem mais adjectivos.

Deixa as tuas perguntas (ou as tuas reflexons) na caixa que disponibilizamos para a ocasiom no Pichel, ou formula-as através do nosso blogue. Depois, vem conversar connosco!