PGL – Para analisarmos esta sociedade atual e conflituosa em que nos desenvolvemos, temos quatro livros na Loja Imperdível que podem ser umha grande ajuda para desentranhar e conhecermos aspetos de umha realidade conflituosa que abrange todos os âmbitos da nossa existência e que provocam a degradaçom da comunidade e sociedade em que nos desenvolvemos, mesmo o caos se nom o evitarmos a seu tempo.
Estes quatro títulos som A Defesa da Terra e a Dialéctica do Progresso, Recessom ou colapso? A Questom da Crise nos Marxismos, Todas as Guerras. Escolma de Artigos de Santiago Alba Rico e Aproximaçom a Alguns Aspectos da História da Galiza II.
A Defesa da Terra é umha obra colectiva que fai um apelo ao sobre os recursos naturais por parte da populaçom, impedindo assim que políticas alheias tentem desestruturar as organizaçons sociais e económicas que definem os processos de interrelaçons entre as pessoas e com o seu entorno, tendo como elemento definidor a sustentabilidade do espaço ou meio natural.
Recessom ou Colapso? oferece umha reflexom sobre os tempos conflituosos que andamos a viver, constatada por umha crise cíclica e sistémica do capitalismo tam estudada polas teorias marxistas que, além disto, valoriza o modo de vida atual como um processo autodestrutivo provocado polos próprios límites internos do capitalismo.
Todas as Guerras, de Santiago Alba Rico, é um coletáneo de artigos deste autor. Neles analisa múltiplos aspetos nocivos do capitalismo, que por si próprio gera o atordoamento das consciências através da opressom e exploraçom inerentes a este sistema destrutivo. Assim mesmo, orienta na vertente crítica e construtiva, face o caminho da intervençom ativa na sociedade que transforme de vez esta realidade negadora dos direitos de todos os seres humanos de desenvolvimento das suas necessidades, capacidades e potencialidades.
Por último, a segunda parte de Aproximaçom a Alguns Aspectos da História da Galiza é umha obra coletiva que inclui contributos de diversos autores. Cada um dos textos ou comunicaçons trata episódios da história do nosso país, da conformaçom do Antigo Reino da Galiza aos movimentos populares mais recentes.
+ Ligaçons relacionadas:
- Ficha na loja Imperdível d’A Defesa da Terra e a Dialéctica do Progresso
- Ficha na loja Imperdível de Recessom ou colapso? A Questom da Crise nos Marxismos
- Ficha na loja Imperdível de Todas as Guerras. Escolma de Artigos de Santiago Alba Rico
- Ficha na loja Imperdível de Aproximaçom a Alguns Aspectos da História da Galiza II
- Galizalivre.org co-edita livro de Santiago Alba Rico [PGL, 25/11/2010]
- Debates e apresentaçom dos três primeiros livros co-editados pola Escola Popular GalegaPGL, 27/10/2010] [
- A EPG edita o caderno “Aproximaçom a alguns aspectos da história da Galiza” [PGL, 17/11/2009]
